Die Persiese digter Rumi word beskou as die Shakespeare van die Midde-Ooste. Dié dertiende eeuse digter se werk geniet sedert die 1960’s groot aanhang onder Engelssprekende lesers en is steeds die topverkoper van alle digkuns in Amerika. Rumi: Liefdesverse en aanhalings is ’n keur uit Jala¯l al-Di¯n Ru¯mi¯

se omvangryke digkuns wat nou ook vir Afrikaanse lesers toeganklik is danksy die vertaler Dietloff van der Berg. Van der Berg het 40 jaar lank Letterkunde en Vertaalkunde doseer nadat hy grade aan Stellenbosch, Rhodes en Natal voltooi het. Ná sy uittrede as professor het hy hom die afgelope tien jaar op die vertaal van mistieke digkuns toegespits.